Entroido

Así como o entroido de Laza xira arredor do peliqueiro, o de Verín entorno o cigarrón, en Xinzo a pantalla e así moitos outros, en Santiso, como en todo o concello de Maceda, o personaxe central do entroido é o Felo. Segundo algunhas teorías foron antigos cobradores de impostos e trabucos, aínda que moitos pretenden asocialo mesmo con tempos prehistóricos. Dende a chaqueta, os pantalóns, as chocas até a carauta e o caiado, todos os compoñentes da vestimenta do Felo son moi característicos e diferenciadores perante outras figuras representativas dos entroidos veciños.