| s | s | |||||||||||
  |
Fotos |
 |
||||||||||
mmm
HoxeFebreiroOs felos en SantirsoUn ano máis, volveu a festa do entroido ás terras do val de Maceda. O sábado foi o día grande. Un bo número de felos percorreron as vilas e aldeas de Maceda e fixeron que as xentes de Escuadro, Pias, Castro, Santirso, Xinzo, Tioira... tiveran que botar algunha que outra carreira para se librar dos golpes das chocas. O domingo o entroido se trasladou a Maceda, onde se romperon olas de barro e se bebeu viño da man da "Asociación O Pipote", todo entre unha intesa choiva que non desluciu a festa. O luns e o martes o entroido non parou, máis felos, cocido, cachucha, desfile e concurso. Ao final a tristura do fin do entroido invadiu Maceda, loito e moitas bágoas. Xa chegou Dona Cuaresma... agora só nos queda agardar un ano, que imos facer?  OutubroSantirso e a naturezaIntegrantes e achegados da Asociación Cultural Turzó e da Asociación de veciños de Santirso (Concello de Maceda), disfrutaron o 17 de agosto dunha xornada lúdico - educativa na Serra para descubrir as instalacións do Centro de As Corcerizas Puideron ver o funcionamento dunha turbina de auga, sistemas de control e almacenamento de enerxía, tellados feitos con terra, corcho e caucho, plantas que depuran augas residuais. Aquí podes ver as fotos da visita: Fotos Corcerizas  Un novo verán xa está aquíChega o mes de Agosto e Santirso prepárase para recibir xente. Festas para os días 10 e 11. Tamén teremos Cea Popular. Teremos que pasar polas Festas das Neves e das Festas de Castro. Temos a piscina un chisco máis arranxada. Este ano faremos excursión e acampadas na Serra de San Mamede. Adiante!!!!! Modelo novas camisetasXa temos un modelo para as camisetas de Santirso 2007. Velaquí as dúas cores elexidas.  FermosaA Vila da Serra amósase con vaidade na Primavera... sabe que fica fermosa. Gracias Ricardo  HoxeMaioGoberno nacionalista e de esquerdas en MacedaComo no resto dos Concellos de Galicia, Maceda tamén elexiu esta fin de semana ao seu alcalde. O reparto trouxo unha nova composición do consistorio, 5 concelleiros para o Partido Popular, 4 para o BNG e 2 para o PSOE. Como todo parece indicar, un pacto BNG-PSOE permitirá catro anos de goberno nacionalista e de esquerdas no noso concello. Moita sorte a todos. Chegou o entroido E tamén chegaron os felos, que os hai e moitos polas rúas de Maceda, claro que grandes e fortes xa non hai tantos.   E o día de feira Día feira de entroido xunto o Carro Xa non hai tantos porcos en Galiza Bo tempo para a matanza. Moitos foron os que aproveitaron os días de festa para matar, desfacer, encher, salar, afumar... e agora a comelos!. Primeiras neves Adiáronse máis da conta pero as neves chegaron con forza. Estivemos preto das Corcerizas (antigo Caudillo) pero non foi posible seguir ata o cumio do San Mamede, as últimas chuvias deixaron os camiños para pouca cousa. Nos vindeiros días teredes máis fotos destes días e do Nadal. |
||||||||||||
| A Vila da Serra | Permítese a reproducción total ou parcial facendo referencia as fontes: Pablo Aguiar e Asociación Vila da Serra. Santirso 2006 |
|||||||||||
