Santiso

A meirande parte dos meses do ano chovendo, algúns con neve, moitos con frio, outros con néboa, orballo.... un tempo  xeneroso coa terra e co labrego, pouco co visitante, agás parte do verán. Mais non o precisamos, disque senón fora diste xeito xa non sería Santiso, nin Galiza, nin habería verde, nin tranquilidade... habería formigón, turistas, guiris, souvenirs e para eso xa temos sitios dabondo. 

Santiso está situada no Val de Maceda ó pe da Serra do San Mamede. A súa estratéxica situación fixo que sempre estivera ligado a importantes casas tanto civiles coma relixiosas.  Encóntrase aproximadamente a 700 metros de altitude e é un dos últimos pobos, xunto a A Teixeira, Calveliño do Monte, Escuadro e Castro antes de adentrarse no gran macizo oriental ourensán. Foi  lugar de paso das xentes de Caldelas que se dirixían cara o Santuario dos Milagros. Probablemente coma unha vella herdanza dos tempos de dominio monacal que reinaban na Galiza, no que Santiso constituía unha clara referencia do Mosteiro de Montederramo, no control das terras do Val de Maceda.